星期六朝早同星期日夜晚我都一個人去咗睇
香港國際電影節嘅戲，分別係
芬蘭嘅《
玉戰士》同
法國嘅《
靚太查案記》。
《玉戰士》係同一個
古老傳說有關，又有ｄ講
前世今生呀。簡介話個導演係個功夫迷，所以戲中有不少
打鬥場面：以外國人嘅眼光睇呢，可能都覺得打得唔錯，不過以睇開李連杰嗰類功夫做標準呢，當然冇得比啦，咁我都覺得ｄ演員盡晒力架喇。另外戲中男主角同男配角都有
講國語嘅戲份，以咬字發音黎講，男主角都算係咁 (個男配角就其實唔係講好多國語)，但係當佢成句成句句子講呢，佢就
好似溫總上身 
咁囉，
講得慢又兩三隻字夾埋一齊講 ...... 我聽落覺得好好笑。可能係芬蘭電影嘅拍攝手法我唔係太慣，交待個傳說嘅地方我又有少少唔明，呢套我畀 75-80 分啦。
《靚太查案記》(Crime is our business) 係改編自
Agatha Christie 嘅《
4.50 from Paddington》，原著我當然有睇過，甚至明珠台好幾年前播過 BBC 改編拍嘅 version 我亦睇過，不過呢個故事喺我印象中一般啫，都唔明點解大家咁鐘意拍佢 ...... 當然個故事背景就由英國改咗做法國啦，
男女主角都演得好生鬼，尤其係女主角，
有好多抵死嘅對白，所以成套戲都冇冷場，不斷有笑聲甚至拍掌聲 ...... 最尾嘅一幕真係超搞笑！呢場都好多人睇喎，我畀 95 分，
係極少數我覺得改編好過原著嘅作品；如果大家有機會見到呢套戲播，極力推薦。
不過兩套電影都
只係得英文字幕，如果英文水平唔太高嘅觀眾會唔會有少少唔明呢？
Post a Comment